காத்தான்குடி கோட்ட பாடசாலை ஆசிரியர்களுக்கான கணக்காய்வு செயலமர்வு - 2019

மட்டக்களப்பு மத்தி கல்வி வலயத்தின் காத்தான்குடி கோட்ட அதிபர்களுக்கு பாடசாலை மட்ட கணக்காய்வு பற்றி தெளிவுபடுத்தும் நோக்குடனான செயலமர்வு கடந்த 27.07.2019 அன்று காத்தான்குடி ஆசிரிய மத்திய நிலைத்தில் வலயக் கல்விப்பணிப்பாளர் திரு.எஸ்.எம்.எம்.எஸ்.டொக்டர் உமர் மௌலான (SLEAS), அவர்களின் வழிகாட்டுதலின் கீழ் இடம்பெற்றது. இதில் வளவாராக  திரு.அ.லெ.மாஹிர் கணக்காய்வாளர் (Audit) அவர்கள்  கலந்துகொண்டார்கள்.

பாடசாலை மட்ட தரிசிப்புக்களின் போது அவதானிக்கப்பட்ட விடயங்களினை அடிப்படையாகக் கொண்டு அதிபர்களுக்கான கணக்காய்வு பற்றிய விளக்கம் வழங்கப்பட வேண்டியதன் அவசியப்பாடு வலயக்கல்விப்பணிப்பாளர் அவர்களினால் கண்டறியப்பட்டது.

எனவே இதன் முதல் கட்டமாக காத்தான்குடி கோட்ட அதிபர்களுக்கு இச்செயலமர்வு நடாத்தப்பட்டதோடு, ஏனைய ஏறாவூர் மற்றும் கோறளைப்பற்று மேற்கு அதிபர்களுக்கான செயலமர்வு கடந்த ஞாயிற்றுக்கிழமை 28.07.2019 நடைபெற்றது.

தற்போதைய வலயக்கல்விப்பணிப்பாளர் அவர்களின் வருகையின் பின்னர் மட்டக்களப்பு மத்தி கல்வி வலயமானது அதிபர், ஆசிரியர்கள்,மாணவர்கள் மற்றும் பெற்றார்களுக்கான பல அபிவிருத்தி வேலைத்திட்டங்களினை சிறப்பான முறையில் முன்னெடுப்பதோடு, பலரது பாராட்டுக்களினையும்  வரவேற்பினையும் பெற்றுவருது இங்கு குறிப்பிடத்தக்கதாகும்.

நாம் இச்செயலர்வின் சில காட்சிகளை மேலே காணலாம்.

பிராந்திய ரீதியில் தொழில் வழிகாட்டல் நிலையங்களை நிறுவதல் - 2019

ஜனாதிபதி செயலகத்தினால் நடைமுறைப்படுத்தப்படும் ஸ்மார்ட் சிறிலங்கா வேலைத்திட்டத்தின் கீழ் மட்டக்களப்பு மாவட்ட வாழ்ககைத் தொழில் வழிகாட்டல் மத்திய நிலையத்தின் செயற்பாடுகளை இணைப்பாக்கம் மற்றும் மேற்பார்வை செய்வதற்காக பிரதேச செயலாளர் U.உதயசிறிதர் (SLAS) அவர்களின் தலைமையில் கடந்த 25.07.2019 அன்று பிரதேச குழு ஒன்று நிறுவப்பட்டது.

இது பிரதேச ரீதியில் தொழில் வாய்ப்பினை எதிர்பார்திருக்கின்ற தொழில் முயற்சியாளர்களை முன்னேற்றமடையச் செய்தல், தொழில் வழிகாட்டல் வேலைத்திட்டங்களை அறிமுகப்படுத்துதல், பாடசாலை மட்டத்தில் மாணவர்களின் தொழில் வழிகாட்டலுக்கான வேலைத்திட்டங்களை வழங்குதல் போன்ற பல்வேறு விடயங்கள் பற்றி ஆராயப்பட்டது.

இதன் போது மட்டக்களப்பு மத்தி கல்வி வலயத்தின் தொழில் வழிகாட்டல் உத்தியோகத்தரான ஏ.எல்.எம்.றிஸ்வி அவர்கள் இதில் பங்கேற்றார். தமது கல்வி வலயத்தின் இளைஞர்களுக்கான தொழில் வழிகாட்டல் வேலைத்திட்டத்தின் அவசியப்பாடு, பிரதேச செயலக உத்தியோகத்தர்களுடன் இணைந்து இச்செயற்பாட்டினை மாவட்ட செயலாளர் அவர்களின் அறிவுருத்தலின் பிரகாரம் முன்னெடுக்கப்பட வேண்டுதல் விடுக்கப்பட்டுள்ளமை தொடர்பாகவும் இவர் தனது கருத்துக்களை முன்வைத்தார்.

பிரதேச செயலாளர் அவர்களினால் இத்திட்டத்தினை முன்னெடுத்துச் செல்வதற்கு ஜனாதிபதி செயலகம் எதிர்பார்த்திருப்பது தொடர்பாகவும், அனைவரது ஒத்துழைப்புக்களும் வழங்கப்பட வேண்டியதன் அவசியம் தொடர்பாகவும் கருத்துரைக்கப்பட்டது.

இனிவரும் காலங்களில் பிரதேச செயலக உத்தியோகத்தர்கள் தங்களின்  பாடசாலை மட்ட செயற்பாடுகளின் போது மட்டக்களப்பு மத்தி கல்வி வலயத்தின் தொழில் வழிகாட்டல் அலகுடன் இணைந்து செயற்படுவார்கள் என்ற உறுதியும் வழங்கப்பட்டது.

கணிதப்பாட ஆசிரியர்களுக்கான செயலமர்வு - 2019

மட்டக்களப்பு மத்தி கல்வி வலயத்தில் கணிதப்பாடத்தினை கற்பிக்கின்ற ஆசிரியர்களுக்கான தொடர்ச்சியான செயலமர்வுகள் கடந்த 3 வாரங்களாக ஏறாவூர் கோட்டத்தின் மட்/மம/முனீறா பாலிகா மகாவித்தியாலயத்தில்  நடைபெற்றது.

இன்று 22.07.2019 ல் இதன் இறுதி நாள் ஆகும். கடந்த வாரங்களில் நடைபெற்ற இச்செயலமர்வானது. பிரதி சனி , ஞாயிறு, திங்கள் தொடக்கம் 03 நாட்களாக 03 வாரங்களுக்கு  வெற்றிகரமாக நடைபெற்றது. இதில் மட்டக்களப்பு மத்தி கல்வி வலயத்தில்  தரம் 06 தொடக்கம் 11 வரையான அனைத்து வகுப்புகளுக்கும்  கணிதம் கற்பிக்கின்ற ஆசிரியர்கள் பங்கேற்றனர். 

இச்செயலமர்வானது பிரதிக்கல்விப் பணிப்பாளரும் தற்போதைய ஏறாவூரின் கோட்டக் கல்விப் பணிப்பாளருமான  திரு. டி.எம்.எம்.அஹமட்  (SLEAS)  அவர்களினால் ஒழுங்கு செய்யப்பட்டிருந்ததோடு, இதில்  கணிதப்பாட ஆசிரிய ஆலோசகரான பதியுத்தீன் அவர்களும், காத்தான்குடி ஆசிரிய மத்திய நிலையத்தின் விரிவுரையாளர் திரு.ஏ.றியாஸ் (SLTES) அவர்களும் வளவாளர்களாக பங்கேற்றனர்.

கணிதப்பாட அடைவுகளை மேலோங்கச் செய்தல், பாடரீதியில் மாணவர்களின் மனோநிலைகளில் கணிதம் கற்றல் இலகு என்ற எண்ணத்தினை ஏற்படுத்துதல், பாடசாலையின் வளங்களைப் பாவித்து பாட அடைவுகளை அதிகரிக்கச் செய்வதோடு எதிர்வரும் க.பொ.சா.தர பரீட்சைக்கான வழிகாட்டுதல்கள் என்ற பயிற்சி இவர்களுக்கு இங்கு அளிக்கப்பட்டது.மேலும் ஆசிரிய வளநிலையத்தின் விரிவுரையாளர் அவர்களினால் நவீன முறையில் பாடக்குறிப்புக்களை எவ்வாறு எழுதுதல் வேண்டும் என்ற பயிற்சியும் இங்கு வழங்கப்பட்டது. 

வலயக் கல்விப்பணிப்பாளர் திரு.எஸ்.எம்.எம்.எஸ்.டொக்டர் உமர் மௌலான (SLEAS),அவர்களின் வழிகாட்டுதலின் கீழ் தற்பொழுது மட்டக்களப்பு மத்தி கல்வி வலயம் பல வேலைத்திட்டங்களை முன்னெடுத்து வருவது இங்கு குறிப்பிடத்தக்கதாகும்.

நாம் மேலே இச்செயலமர்வில் கலந்துகொண்ட விரிவுரையாளர்களையும், இதில் பங்கேற்ற ஆசிரியர்களினையும் காணலாம்.

அதிபர் போட்டிப்பரீட்சைக்கான வினாக்கள்

1.குடியரசு ,  சட்டம்  ஆகிய  நூல்களை  எழுதிய  கல்விச்                                      சிந்தனையாளர்?      பிளேட்டோ

2.கல்வி தொடர்பாக இலட்சியவாதக் கருத்தை முன்வைத்தவர் யார்?

                                                  பிளேட்டோ

3.ஆசிரியர் ஞான விளக்குகள் எனக் கூறியவர் யார் ?

                                                  பிளேட்டோ

4.'' கல்வியும் தத்துவமும் ஒரு நாணயத்தின் இரு பக்கங்கள்                              போன்றன'' எனக் கூறியவர் யார் ?

                                                 W.றோஸ்

5.அரசியல் என்ற நூலை எழுதியவர் யார்?

                                                  அரிஸ்டோட்டில்

6.'' துப்பாக்கிகளை விடப் பயங்கரமான ஆயுதங்கள் புத்தகங்களே''

     எனக் கூறியவர் யார்?

                                                  மார்டின் லூதர் கிங்

7.'' கல்வியே சக்தி வாய்ந்த ஆயுதம்'' எனக் கூறியவர் யார்?

                                                   நெல்சன் மண்டேலா

8.'' அனுபவங்களை அனுபவங்கள் ஊடாக அனுபவங்களாகவே                    பிள்ளைகளுக்கு பெற்றுக்கொடுக்க வேண்டும்'' எனக்கூறியவர்              யார்?                                                                                                                                                                                                                                                        ஜோன் டூயி

9.'' எமிலி '' எனும் கல்வி தொடர்பான நூலை எழுதியவர் யார்?

                                                    ஜீன் ஜாக்ஸ் ரூசோ

10.இயற்கைவாத / சூழல்வாத  சிந்தனையை முன் வைத்தவர் யார்?                                                                                                       ரூசோ

11.உளப் பகுப்புக் கொள்கையை முன்வைத்தவர் யார்?

                                                     சிக்மன் பிரய்ட்

12.உளவியலின் தந்தை யார்?

                                                     சிக்மன் பிரய்ட்

13.பல் நுண்ணறிவுத் தத்துவத்தை  அறிமுகப்படுத்தியவர் யார்?

                                                     ஹீவார்ட் காடினர்

14.''குழந்தைப் பூங்கா''  எண்ணக்கருவுடன்  தொடர்பான                                     கல்வியியலாளர்  யார்?

                                                      புரேபல் 

15.கல்வி அமைச்சின் உத்தியோகபூர்வ வாசஸ்தலம் அமைந்துள்ள

     இடம் எது?                      

                                                     பத்தரமுல்லை (இசுறுபாய)

16.''மகாபொல'' புலமைப்பரிசில் திட்டத்தை ஆரம்பித்தவர் யார்?

                                                    லலித் அத்துலக் முதலி

17.கிராமப்புறங்களில்  தகவல்  தொழிநுட்ப  விருத்திக்காக                               அமைக்கப்  பட்டுள்ள நிறுவனம் எது?

                                                    நெனசல

18.மாகாண சபைகளுக்கு கல்வி அதிகாரம் வழங்கப்பட்டது                           எப்போது?

                                             13 வது அரசியல் யாப்பு சீர்திருத்தத்தின்மூலம்

19.கிராமப்புறங்களில் கல்வியை மேம்படுத்தும் நோக்குடன் கல்வி            அமைச்சினால் ஆரம்பிக்கப்பட்ட புதிய வகைப் பாடசாலை எது?

                                                     இசுறு

20.'' அண்மையிலுள்ள பாடசாலை சிறந்த பாடசாலை '' திட்டம்                         நடைமுறைப் படுத்தப்படும் காலம்?

                                                      2016 - 2020

21.மொத்தப் புள்ளிகளுக்குப்  பதிலாக Z புள்ளி அறிமுகப்படுத்தப்பட்ட  ஆண்டு எது?

                                                      2001

22.க / பொ/ த  உயர்தரத்தில்  தொழிநுட்பப் பாடங்கள் அறிமுகப்                     படுத்தப்பட்ட  ஆண்டு எது?

                                                     2013

23.நாடாளாவிய ரீதியில் தரம் 7 மாணவர்களின் தாங்கும் திறனை                அறிய  மேற்கொள்ளப்பட்ட செயற்றிட்டம் எது?

                                                     திடசங்கல்பம் ( 2016  /  11 )

24.தற்போது அமுலில் உள்ள கல்வி கட்டளைச்சட்டம் எது?

                                                     1939 , 31 ஆம் இலக்க கல்வி கட்டளைச்சட்டம்

25.பிள்ளை ஒன்றை பாடசாலையில் சேர்ப்பதற்கான மிகக் குறைந்த

      வயதெல்லை எத்தனை?

                                                      4 வருடங்கள் 6 மாதங்கள்               

மட்டக்களப்பு மத்தி வலயத்தின் மாகாண மட்ட தற்போதைய முடிவுகள் 17.07.2019

இதுவரை நடந்து முடிந்த மாகாண மட்ட விளையாட்டுப்போட்டிகளின் சில முடிவுகள் எமக்கு கிடைக்கப்பெற்றுள்ளன. அதற்கேற்ப 16 போட்டிகளில் மட்டக்களப்பு மத்தி வலயம் வெற்றியீட்டியுள்ளது. இதில் 14 நிலைகளினை ஏறாவூர் கோட்டமும், 02 நிலைகளினை காத்தான்குடி கோட்டமும் பெற்றுள்ளது.  எனவே இந்நிலைகளைப் பெறுவதற்கு மாணவர்களை தயார் படுத்திய அதிபர்கள், ஆசிரியர்கள் , விளையாட்டுத்துறை ஆசிரியர்கள் மற்றும் மாணவர்களை வலயம் சார்பாக வலயக் கல்விப்பணிப்பாளர் திரு.எஸ்.எம்.எம்.எஸ்.டொக்டர் உமர் மௌலான (SLEAS), ஏறாவூர் கோட்டக் கல்விப்பணிப்பாளர் திரு. டி.எம்.எம்.அஹமட்  (SLEAS) அவர்களும் மற்றும் ஏனைய கோட்டக்கல்விப் பணிப்பாளர்களும்  பாராட்டுகின்றனர்.  

இதிலும் குறிப்பாக ஏறாவூர் கோட்டக்கல்விப்பணிப்பாளர் அவர்கள் தமது கோட்டம் 14 நிலைகளினைப் பெறுவதற்கு அயராது உழைத்த அனைத்து அதிபர்கள், ஆசிரியர்கள் மற்றும் இதில் பங்கேற்று வெற்றிகளைப் பெற்றுத்தந்த மாணவர்களையும் வாழ்த்துகின்றார்கள்.

தவகல் :- பிரதேசக்கல்விப்பணிப்பாளர்- ஏறாவூர்.

மட்டக்களப்பு மத்தி கல்வி வலயத்தின் வலய மட்ட மீளாய்வுக் கூட்டம் - 2019

மட்டக்களப்பு மத்தி கல்வி வலயத்தில் புதன் கிழமை தோறும் வலயக் கல்விப் பணிப்பாளர் அவர்களின் தலைமையில் வலய மட்ட பாடசாலைகளின் பெறுபேற்றினை அதிகரித்தல், வலய மட்ட நடவடிக்கைகளை முன்னேற்றமடையச் செய்தல் தொடர்பாக மீளாய்வுக் கூட்டம் நடைபெறுவது வழமையாகும். இதன் தொடரில் 17.07.2019 அன்று பாடசாலை மட்ட தரிசிப்பு நடவடிக்கையினை மேற்கொள்கின்ற பிரதிக் கல்விப்பணிப்பாளர்கள்,  பிரதேசக் கல்விப் பணிப்பாளர்கள் ,உதவிக்கல்விப் பணிப்பாளர்கள், ஆசிரிய ஆலோசகர்கள், பாட இணைப்பாளர்கள், ஏனைய உத்தியோகத்தர்கள் ஆகியோருக்கான வழிகாட்டுதல்களினை இம்முறையும் வலயக்கல்விப் பணிப்பாளர் திரு.எஸ்.எம்.எம்.எஸ்.டொக்டர் உமர் மௌலான (SLEAS)  அவர்களினால் வழங்கப்பட்டது

இக்கலந்துரையாடலின் போது வலயக் கல்விப் பணிப்பாளர் அவர்களால் பல விடயங்கள் தொடர்பாக அவதானம் செலுத்தப்பட்டது. வலயத்தினை முன்னேற்றம் அடையச் செய்வதில் பங்களிப்புச் செய்கின்ற மாணவர்களின் பாட ரீதியிலான அடைவுகளை அதிகரிப்புச் செய்வதற்கு எவ்வாறான நடவடிக்கைகளை மேற்கொள்ள வேண்டும் என்று அறிவுரை வழங்கப்பட்டது. மேலும் தமது பாடத்தில் புள்ளி அதிகரிப்பினை மேற்கொள்வதற்கான திட்டமிடல்களை கொண்டுவருமாறும் கூறப்பட்டு அது தொடர்பாகவும் கலந்துரையாடப்பட்டது.

தற்பொழுது புதிதாக நியமிக்கப்பட்டுள்ள பரீட்சை ஆணையாளரினால் பரீட்சைகள் எதிர்காலத்தில் டிஜிடல் யுகத்தில் இணைய இருப்பது தொடர்பாக கலந்துரையாடினார்கள் இதற்கான ஆயத்த நிலையினை இன்றிலிருந்தே நாம் ஒவ்வொரும் மேற்கொள்ள வேண்டும் என்ற விடயத்தினையும் வலியுறுத்தினார்கள். இவ்வலயத்தின் முன்னேற்ற நடவடிக்கையில் தான் எப்போதும் தங்களுடன் கைகோர்ப்பேன். அதில் தாங்கள் ஒரு போதும் அச்சம் கொள்ளத் தேவையில்லை எனக் கூறி வலயக்கல்விப் பணிப்பாளர் தொடர்பில் தமது உத்தியோகத்தர்களின் நம்பிக்கையினை கட்டியெழுப்பினார்கள். பாடசாலை தரிசிப்பு வேளையில் சக உத்தியோகத்தர்கள் எதிர்கொள்கின்ற பிரச்சினைகள் தொடர்பாகவும் கலந்துரையாடப்பட்டது. இதற்கான தீர்வுகளையும், வழிகாட்டுதல்களினையும் சிறப்பான முறையில் வலயக்கல்விப் பணிப்பாளர் அவர்கள் முன்வைத்தார்கள். 

ஆசிரிய மத்திய நிலையத்தினால் அறிமுகம் செய்யப்பட்டுள்ள இணையதள முகவரியினை அறிமுகம் செய்தமையோடு சக உத்தியோகத்தர்கள் மேற்கொள்கின்ற நடவடிக்கையினை இம்முகவரிக்கு அனுப்பி அவைகளை பதிவிடுமாறும் வேண்டிக்கொண்டார்கள். மேலும் இந்த முயற்சியினை மேற்கொண்ட ஆசிரிய மத்திய நிலைய உத்தியோகத்தர்களையும் பாராட்டினார்கள்.

தரம் 03 மாணவர்களுக்கான சிங்கள மொழிப் பயிற்சி கருத்தரங்கு - 2019

மட்டக்களப்பு மத்தி கல்வி வலயத்தின் தரம் 03 மாணவர்களுக்கான சிங்கள மொழி அறிவு விருத்தி வேலைத்திட்டம் கடந்த 15.07.2019 தொடக்கம் 16.07.2019 வரை இரு நாட்கள் ஓட்டமாவடி கோட்ட காவத்தமுனை அல் அமீன் வித்தியாலயத்தில் இடம் பெற்றது.

இதன் மேற்பார்வை மற்றும் வழிகாட்டுதல்களை மட்டக்களப்பு மத்தி கல்வி வலயத்தின் வலயக்கல்விப் பணிப்பாளர் திரு.எஸ்.எம்.எம்.எஸ்.டொக்டர் உமர் மௌலான (SLEAS)  அவர்கள் வழங்கினார்கள்.

மேலும்  இணைப்பாளராக பி.டி.அஜ்மீர் (SLEAS) அவர்கள் செயற்பட்டார்கள். மேலும் இதன் வளவாளர்களாக ஏ.எல்.எம்.றிஸ்வி (CGO)  அவர்களும், எம்.பி.எம்.சித்தீக் (CGO) அகியோரும் காணப்பட்டனர். மேலே மாணவர்களுக்குரிய பயிற்சிகளையும், வழிகாட்டுதல்களினையும் இரு வளவார்களும் வழங்குவதோடு, மாணவர்கள் உற்சாகமாக செயற்படுவதனையும் நாம் காணலாம்.

ஆசிரிய பிரமாணக் குறிப்பு தடைதாண்டல் பரீட்சை மேற்பார்வை

   கடந்த 06.07.2019 - 08.07.2019 காலப்பகுதியில் தரம் 2 ii ஆசிரியர்களுக்கான தடைதாண்டல் செயலமர்வு மட்டக்கப்பு மத்தி கல்வி வலயத்தின் தொழில் வாண்மை விருத்தி ஆசிரிய மத்திய நிலையத்தினால் நடாத்தப்பட்டு வந்தது.

   இதில் 2ம் கட்ட குழுவுக்கு இணைப்பாட விதான செயற்பாடு மற்றும் முகாமைத்துவம் தொடர்பான மொடியூல் நடைபெற்றது. ஆசிரிய வாண்மை விருத்தியினை நோக்காகக் கொண்டு நடாத்தப்படுகின்ற இப்பயிற்சியானது ஆசிரியர்களின் அறிவு, திறன் ,மனப்பாங்கு, நடத்தை ஆகியவற்றில் பாரிய பங்களிப்பினைச் செய்வதோடு, மாணவர்களையும் இது சென்றடைகின்றது. 

   ஆசிரியர்களுக்கான தொழில் வாண்மை விருத்திச் செயற்பாட்டினை காத்தான்குடி ஆசிரிய மத்திய நிலையம் தொடர்ச்சியாக கட்டம் கட்டமாக நடாத்தி வருவதோடு, அதன் மேற்பார்வை மற்றும் வழிகாட்டுதல்களை மட்டக்களப்பு மத்தி கல்வி வலயத்தின் வலயக்கல்விப் பணிப்பாளர் திரு.எஸ்.எம்.எம்.எஸ்.டொக்டர் உமர் மௌலான (SLEAS)  அவர்கள் வழங்கிவருவதோடு, அதன் விரிவுரைகளையும், நெறிப்படுத்தல்களையும் சிறப்பான முறையில் மேற்கொள்கின்றார்கள்.

    இங்கு நாம் மேலே இந்நடவடிக்கையில் ஈடுபட்ட வலயக்கல்விப் பணிப்பாளர் அவர்களையும், ஆசிரிய மத்திய நிலையத்தின் விரிவரையாளராகவும், முகாமைத்துவ நடவடிக்கைகளையும்  மேற்கொண்டு வருகின்ற  ஏ.றியாஸ்  (SLTES) அவர்களையும் பங்குபற்றுனர்களாக கலந்துகொண்டுள்ள ஆசிரியர்களையும் இங்கு காணலாம்.

இணைப்பாட விதானச் செயற்பாடுகளும் மற்றும் பாடசாலை மட்ட முகாமைத்துவமும்

காத்தான்குடி ஆசிரிய வாண்மை விருத்தி மத்திய நிலையத்தினால் கடந்த 29.06.2019 தொடக்கம் 01.07.2019 வரை தரம் 2 ii ஆசிரியர்களுக்கான இணைப்பாட விதானச் செயற்பாடுகள் மற்றும் பாடசாலை மட்ட முகாமைத்துவமும் எனும் கருப்பொருளில் தடைதாண்டலுக்கான செயலமர்வு நடைபெற்றது.

இதில் பாடசாலை மட்டத்தில் இணைப்பாட விதானச் செயற்பாடுகளை சிறப்பான முறையில் எவ்வாறு நடைமுறைப்படுத்துவது என்றும், வினைத்திறன் மற்றும் விளைதிறன் கொண்ட பாடசாலையின் உருவாக்கத்தில் ஆசிரியர்களின் பங்களிப்பு எவ்வளவு தூரம் முக்கியத்துவம் வாய்ந்தது என்றும் பயிற்சியளிக்கப்படுகின்றது.

மட்டக்களப்பு மத்தி கல்வி வலயத்தின் வலயக்கல்விப் பணிப்பாளர் திரு எஸ்.எம்.எம்.எஸ்.டொக்டர் உமர் மௌலான அவர்கள் பாடசாலை முகாமைத்துவத்தில் பாடசாலை மட்ட கற்றல் கற்பித்தல் செயற்பாடுகள், பெற்றோர் ஆசிரியர் உறவுகள், மேலதிக பாடசாலை அபிவிருத்தி வேலைத்திட்டம், ஆசிரியர் வாண்மை விருத்தி  இணைப்பாட விதானச் செயற்பாடுகளின் ஊடாக பாடசாலையினை வினைத்திறன், விளைத்திறன் கொண்டதாக எப்படி கையாளலாம். பாடசாலை மட்டத்தில் ஆசிரியர்களின் பங்களிப்பு என்னவென்ற பல்வேறு விடயங்களினை மிகவும் தெளிவாகவும், நேர்த்தியாகவும் வலயக் கல்வி பணிப்பாளர் அவர்களினால் முன்வைக்கப்பட்டது. இதில்  ஆசிரிய வாண்மை விருத்தி மத்திய நிலையத்தின் முகாமையாளர் திரு.எஸ்.ஷரீப்தீன் மற்றும் உதவிக் கல்விப் பணிப்பாளர் திரு.எம்.எல்.எம்.முதர்ரிஸ் அவர்களும் காணப்படுகின்றனர்.